Khuluma lulwimi lwakho. Kulilungelo lakho.
Nguluphi luhlobo lwemsebenti lowentiwako?
I-TISSA yenta umsebenti wekutoliga ngelucingo lotawenta kutsi kuchumana kube malula phakatsi kwemphakatsi kanye nahulumende ngekusebentisa tilwimi tendzabuko kute bafinyelele etinsitweni tahulumende.
NgeTISSA hulumende ugcwalisa ligunya leMtsetfosisekelo ngekutsatsa tinyatselo letitsembisako futsi letentakalako ekutfutfukisweni kwetilwimi tendzabuko letisemtsetfweni.
Umphakatsi ungakhona yini kucela tinsita tahulumende ngetilwimi tabo?
Yebo, yingce uma kungulolunye lwetilwimi letisemtsetfweni.
Ngabe lulwimi lwemasayini lufakiwe yini?
Yebo, bantfu labangeva bafakiwe emsebentini weTISSA. Batawukhona kutfola tinsita tahulumende, njengebantfu labevako, eKapa, eJozi, eThekwini nasePolokwane.
Ngabe umsebenti weTISSA usebenta njani?
Uma lilunga lemphakatsi kanye nesisebenti sahulumende bangakhoni kuvisisana ngetilwimi tabo, sisebenti sahulumende singashayela sikhungo seTISSA.
Esikhungweni, umchumanisi utawuchumanisa sisebenti sahulumende kanye nelilunga lemphakatsi kumtoligi longakhuluma totimbili tilwimi.
Sisebenti sahulumende sitawuba nelucingo lolunetibambo letimbili kute kutsi yena nelilunga lemphakatsi bakhone kulalela umtoligi.
Umtoligi utawubese sewubatoligela bobabili. Loku kungatsatsa emasekhondi lambalwa.
Ngabe ngitawati njani kutsi litiko lahulumende liyaniketa tinsita tekuhumusha?
Timphawu emahhovisini ahulumende titawukhombisa kutsi tinsita teTISSA tikhona.
Uma lihhovisi lahulumende lingakhombisi luphawu lweTISSA, ngingasachubeka ngicele lusito lwekuhunyushelwa?
Cha, lolusito lukhona etindzaweni letikhombisa luphawu lweTISSA. Kodvwa, tindzawo letinyenti titawufakwa esikhatsini lesitako.
Ngabe iTISSA itangizuzisa ngani mine?
Itawudlala indzima lesemcoka ekutfutfikisweni kwemalungelo akho elulwimi, futsi ngaloko-ke nemalungelo eluntfu eNingizimu Afrika.
Futsi itawudlala indzima lebalulekile ekutfutfukisweni nasekusetjentisweni kwetilwimi tendzabuko letisemtsetfweni kanye nelulwimi lwemasayini.
Utawukhona kutfola tinsita tahulumende ngelulwimi lwakho.
Uma ufuna lwati lolungetiwe chumana neGolola Consultancy
